ओशो के भइल जनमवां

ओशो के भइल जनमवां, अंगनवां बधाई बाजे हो।।

osho ke bhil janamavaan, anganavaan badhaee baaje ho.

जइसे अवध में अइलन राम, गोकुल गांव में अइलन श्याम;

jaise avadh mein ailan raam, gokul gaanv mein ailan shyaam;

कुचवाड़ा हो ला सगुनवां, अंगनवां बधाई बाजे हो।।

kuchavaada ho la sagunavaan, anganavaan badhaee baaje ho..

मैया सरस्वती पलना झुलावे, देवता सभे फूल बरसावे;

maiya sarasvatee palana jhulaave, devata sabhe phool barasaave;

देवतीर्थ खुशी में मगनवा, अंगनवां बधाई बाजे हो।।

devateerth khushee mein maganava, anganavaan badhaee baaje ho.

जब-जब आवे महीना अगहन, पूरन चांद के होखे दरसन;

jab-jab aave maheena agahan, pooran chaand ke hokhe darasan;

याद आवे जनम के छनवा, अंगनवां बधाई बाजे हो।।

yaad aave janam ke chhanava, anganavaan badhaee baaje ho.

चंदा-सूरज जैसन अंखियां, हियरा जुड़ावे ऐसन बतियां;

chanda-sooraj jaisan ankhiyaan, hiyara judaave aisan batiyaan;

सिद्धार्थ गावेलन भजनवां, अंगनवां बधाई बाजे हो।।

siddhaarth gaavelan bhajanavaan, anganavaan badhaee baaje ho.